Bentilador

Nga.. ha.. ha.. ha.. ah.. 

Bibig na nakanganga,

Sinasalo ang ihip ng hangin,

Tila nahulog mula sa bangin.

Musmos at walang muwang,

Munting isipan ay namamangha,
Nitong batang mangmang,
Sa kaniyang mata ay mababadha.

Sa harap ng elektrikpan,

Parang kweba na hinihipan,

Namumutawi sa bibig ang alingawngaw,

Sa puso ay nagbibigay aliw.

Babaling sa kaliwa,

Babaling sa kanan,

Pilit na sinusundan,

Pabalik-balik na direksyon.

Hindi pansin daliring maiipit,

Kahit mata pa niya ay pipikit-pikit,
Sa hilam ng hanging pumipihit,
Paboritong pampawi ng init.

Paaralan

Guro at Mag-aaral

Labas-pasok sa Pamantasan

Hinuhubog ang karunungan

Para sa hangad na karangalan

Sipag at Tiyaga

Puhunan ng lahat

Sa pagkakaisa ay magkasama

Upang kamtin ang kalidad na Edukasyon

Dunong at Disiplina

Sandata kapwa estudyante at maestra

Sa pagtamo sa tagumpay

Lumalaban para sa magandang kinabukasan

Iba-iba man ang kulay at anyo

Subali’t iisa ang layunin

Ang makapag-tapos sa pag-aaral

At makatugon sa tungkulin

Pagsasalin

Truth My Friend by: Waller Domingo                 Many days I have pondered about our friendship what I always wondered will I lose grip? To face the reality takes a brave brain even so when there is little gain what if I become encumbered by relativism? or become blinded by logical positivism All I've ever sought was your authenticity but the world has hidden your certainty At the end of the day I hope and pray that you I will trust not the devil's rust

Katotohanan Aking Kaibigan ni: Waller Domingo Maraming araw akong nagninilay tungkol sa ating pagkakaibigan ang palagi kong pinagtatakhan ay kung makakabitiw ako sa pagkahawak? Upang harapin ang katotohanan tangan ang matalas na isip gayon pa man kapag may kaunting pakinabang paano kung mabigatan ako sa pamamagitan ng relatibismo? o maging bulag sa pamamagitan ng lohikal na positibismo Lahat ng aking hinahangad ay ang iyong pagiging tunay ngunit ang mundo ay nakatago ang iyong katiyakan Sa katapusan ng araw Umaasa ako at nagdarasal na ako ay may tiwala hindi sa diyablo na kalawangin

Abraham Lincoln's Letter to his Son's Teacher

He will have to learn, I know that all men are not just all men are not true.

But teach him also that for every scoundrel there is a hero:
that for every selfish Politician, there is a dedicated leader...
Teach him for every enemy there is a friend,

Steer him away from envy if you can teach him the secret of quiet laughter.

Let him learn early that the bullies are the easiest to lick... 

Teach him, if you can the wonder of books...

But also give him quiet time to ponder the eternal mystery of birds in the sky,
bees in the sun and the flowers on a green hillside.

In the school teach him it is far honourable to fail than to cheat...

Teach him to have faith in his own ideas 

even if everyone tells him they are wrong...
Teach him to be gentle with gentle people and tough with the tough.

Try to give my son the strength not to follow the crowd

when everyone is getting on the band wagon...
Teach him to listen to all men... but teach him also to filter

all he hears on a screen of truth and take only the good that comes through.

Teach him if you can, how to laugh when he is sad...

Teach him there is no shame in tears
Teach him to scoff at cynics and to beware of too much sweetness...
Teach him to sell his brawn and brain to the highest bidders
but never to put a price-tag on his heart and soul.

Teach him to close his ears to a howling mob 

and to stand and fight if he thinks he's right.

Treat him gently but do not cuddle him because only the test
of fire makes fine steel.

Let him have the courage to be impatient... 

let him have the patience to be brave.

Teach him always to have sublime faith in himself 

because then he will have sublime faith in mankind.

This is a big order but see what you can do...

He is such a fine fellow, My son!

Ikaw at Ako

Malayo na ang ating narating..,

Ilan taon pa kaya ang darating?..

Hindi mabilang oras at araw na pinagsamahan,

Marami nang luha at saya ang pinagdaanan.

    Kuwentuhang walang katapusan,

Paulit-ulit na binabalikan.

Sinasaliwan ng pusong magkapilas,

Na mahirap nang makapiglas.

     Malayo na ang ating narating..,

Hanggang saan makakarating?..

Ang pagkakaisa ng haka at hinuha ,

Na laging namamasdan ng ating mukha.

    Parang pantablay na pumapawi ng lumbay,

Tila duyog na sinisilayan ng malumanay,
Harayang napapadpad ang damdamin,
Parang hinagap na malayang umaamin.

    Ikaw at Ako na mahirap mawatasan,

Hindi alintana ang salagimsim ng kinabuksan.

Lalayo ba paurong?..

O babalik ba pasulong?..

Alaalang Kupas

Isipang puno ng maraming alalahanin,

Inakala na magtatagal ang paglingap.

Puso ay umasa na kakausapin,

Pagsinta na dulot lamang ay hirap.

Sa bawat ngiti, hindi dapat nagtiwala

Lungkot ang dinala ng bawat pag-gilas.

Sa katotohanan, ay wala naman pala

Kaya dapat lamang na pumiglas.

Pudpod na ang labi sa kakangawa,

Hilong isipan pilit na humihilagpos.

Takdang aralin hindi na magawa,

Proyekto sa araw hindi na matapos.

Sana hindi na maalala,

Sana hindi na nakilala..

Haiku at Tanaga

_#1_

Pagmamahalan
Sagot sa kabangisan
Mundong kay gulo

_#2_

Ang karunungan

Kayamanan ng buhay

Dapat gamitin

_#3_

Kapalaran ng tao

Hindi mo malilirip

Tadhana pala

_#4_

Pagtatagumpay

Bunga nang kasipagan

Dulot ay saya

_#5_

Ang kalikasan

Ginawa ng Maykapal

Ating ingatan

_________________

Madalas kung hawakan

Anaki’y kaibigan

Hindi mo alintana

Dulot sa daliri mo.

      - Cellphone -            

Madilim na kapilas

Kasama na palagi

Mahirap na masukol

Anaki mo ay bantay.

         - Anino -

Pilitin man malirip

Hindi mo mababadha

Tanging Poong Maykapal

Maka-aarok nito.

             - Puso -

Malikot na magbungkal

Nagpapaikot-ikot

Mapaglaro tuwina

May tama at may mali.

              - Isip -

Ang pagsintang bubot pa

Parang apoy mag-alab

Mapusok ang damdamin

Pahapay-hapay man din.

     - Puppy Love -

Tula para sa Huling Pagsusulit

Kapatagan sa gitna ng bundok

Gulod na natatangi sa tuktok

Parang pinuno na nakaluklok.

Napapalibutan ng maraming bagay

Puno, bukirin, batis at halaman,

Iba–ibang anyo ng kalikasan.

Parang inakong ari-arian,

Nitong marikit na talampas

May sariling kanlungan.

Luklukan na malapit sa ulap

Daluyan ng tubig ulan

Umaagos sa lupa mula alapaap.

Lupa na tila isipan

Sumasalo ng tubig ulan

Upang maibsan ang tigang na hinagap.

(para kay a.k.a. Payatola)

 ____________________________

Patag,

Pakurba-kurba,

Matayog.

Bulubundukin na lupain

Likha ng Maykapal

Natatanaw hanggang kalawakan.

Makikita ang kagandahan

Malaking kumpol ng lupa at bato

Na hindi makikilos.

Matibay na kalupaan

Malaking lupa na nakausbong

Noon at ngayon matatag na bundok.

Hindi matinag na pundasyon

Hinubog ng panahon

Nauna sa lahat upang maging gabay.

Gabay ng lahat

Sa ikalalago ng kaalaman

Hindi mo masusukat.

(para kay a.k.a. Babaylan)

  _________________________

Karagatan na malawak

Umaagos sa mga ilog

Parang laot ng anyong tubig.

Dagat na puno ng kayamanan

Sagana sa kaalaman

Iba-iba ang nalalaman.

Maalat na tubig

Bumubuhay sa isda at halaman

Nagbibigay lasa sa matabang na kumon.

Mga alon na tinatangay ng hangin

Sa kaliwa at sa kanan

Parang samu’t-saring ideya.

Binabahagi sa lahat

Nagmamarka sa puso at bait

Sa mangmang na looban.

Hampas ng alon sa dalampasigan

Tila karunungan na iniluluwa ng dagat

Nag-iiwan ng bakas sa isipan..

Bakas na pabagu-bago

Dulot ay talino

Huhubog sa talento.

(para kay a.k.a. Supremo)

Asar Talo

Makulay ang buhay estudyante dahil sa’yo,

Parang artista kung magpahabol,

Natutulala ang diwa sa tuwing nagsasalita,

Tila teleserye na walang katapusan.

Makulay ang buhay paaralan dahil sa’yo,

Tila patak ng ulan ang iyong bibig kung nagsasalita,

Kahit laway mo’y tumatalsik na,

Tenga ko’y aktibo pa ding nakikinig.

Makulay ang buhay kabataan dahil sa’yo,

Tila payaso kung magpatawa,

Dahil sa iyong gilagid na mas malaki pa sa ngipin,

Utot ko'y mas malakas pa sa tawa ko.

Makulay ang buhay silid-aralan dahil sa’yo,

Parang hair extension kung mag-over time!

Pati sikmura ko naiinip sa gutom,

Kaya naman ngiti ko’y napapalitan ng ngiwe!